Sahara

Title        : Sahara

Directior    : Clive Cussler

Actors       : Matthew McConaughey,Steve Zhan, Penelope Cruz

Runtime      : 124 minutes

Category     : Action, Adventure, Comedy

දෙවන ලෝක යුද්ධයේදී ප්‍රසිද්ධියට පත් කිරීමට නියමිත ඇමරිකානු රන් කාසි රාශියක් රැගත් USS TEXAS නම් නෞකාව හදිසි සතුරු ප්‍රහාරයකට ලක් වේ. නැවෙහි නියමුවා සිය පිරිස සහ රන් කාසි ආරක්ෂා කරගනීමේ පරමාර්ථයෙන් නෞකාව ඈත මුහුදට යාත්‍ර කරවයි. ඉන්පසු ඔවුන් සදහටම අතුරුදහන්වී යයි............

Matthew McConaughey,Steve Zhan, Penelope Cruz

Matthew McConaughey
"Dirk"

Steve Zhan
"Al"

Dirk Pitt සහ Al Geordino යනු NUMA නම් නිධන් වස්තු සහ ඓතිහාසික පුරාවස්තු ගවේශක සංවිධානයේ සාමාජිකයින් දෙදෙනෙකි. ඩර්ක් සහ ඇල් කුඩා කල සිටම මිතුරන් වන අතර කථාවෙහි ප්‍රධාන චරිතය වන ඩර්ක් දෙවන ලෝක යුද්ධ සමයේ අතුරුදහන් වූ Texas නෞකාව සෙවීමට සිය ජීවිතයම වෙහෙසුණු අයෙකි. හදිස්සියේ ඩර්ක් හට මුණගැසෙන ලෝක සෞඛ්‍ය සංවිදානයේ වෛද්‍ය Eva Rojas අප්‍රිකාව පුරා විසිරෙන භයානක හා අභිරහස් රෝගයක් පිලිබඳ පර්යේශන මෙහෙයවයි. ඩර්ක් තම සිහිනය වූ Texas සොයා යන ගමනට ඔහුගේ කලණ මිතුරා වන ඇල් සහ වෛද්‍ය ඒවාද එක් වෙති.

 නෞකාව සහ රෝග මූලය සොයා බටහිර අප්‍රිකාවේ "මාලි" හිදී වෙන්වී යන ඩර්ක් සහ වෛද්‍ය කණ්ඩායමට මුහුණදීමට සිදු වන්නේ කිසිසේත් නොසිතූ සිදුවීම් රැසකටය. මාලිහි හමුදා පාලක කසීම්, ව්‍යාපාරික ඊව් මසාර්ඩ් සමග එක් වී නීති විරෝධී රසායනික අපද්‍රව්‍ය ගබඩාවක් පවත්වාගෙන යන බවත් එයින් පැතිරෙන විශ වර්ග නිසා අප්‍රිකාව පුරා අභිරහස් රෝගය පතිරෙන බවත් ඔවුන් සොයා ගනිති. ඔවුන්ගේ මෙම නීති විරොඅධී ක්‍රියාකාරකම් නැවත්වීමට සටන් කිරීමට සිදුවන්නේ ඩර්ක්, ඇල් සහ ඒවා අතුලු පිරිසටයි. දියේ සහ ගොඩබිම මෙන්ම කාන්තාරයේදී බෝට්ටු, මෝටර් රථ, ගුවන් යානා සහ හෙලිකොප්ටර භාවිතයෙන් කෙරෙන අමුතුම ආකාරයේ සටන් ජවනිකා වලින් සමන්විත Sahara චිත්‍රපටය, නැරඹීමට පටන් ගත් මොහොතේ සිට එකදිගට නරඹා රසවිඳිය හැකි අගනා චිත්‍රපටයකි.